2.3 · 1/5. Кулчақанди Сулаймон ва Машраб: касрҳо бо махраҷҳои гуногун

Вазъият барои андешаронӣ

Дар ҷуфт муҳокима кунед: ба шумо чӣ дода шудааст ва чӣ бояд кард? Кӯшиш кунед масъаларо ҳал кунед. Дар гурӯҳ нависед: барои ҳал чиро донистан лозим аст? Ин масъаларо дар дарси 2.3 · 3/5 ҳал мекунем.

Саволи калидӣ. Дар дафтар нависед: «Дар ин фасл ман мефаҳмам, ки ман чӣ тавр метавонам касрҳоро ба таври самарабахш ҷамъ ва тарҳ кунам».

Кулчақанди Сулаймон ва Машраб

Масъалаеро аз синфи 5 ба хотир оред. Кулчақанди Машраб ба се ва кулчақанди Сулаймон ба шаш ҳисса бурида шудааст. Сулаймон $\dfrac{3}{6}$ ва Машраб $\dfrac{2}{3}$ ҳиссаи кулчақанди худро хӯрд. Муайян кунед, ки бачаҳо якҷоя чанд ҳиссаи кулчақандро хӯрданд.