iOS чист?
iOS – системаи амалиётии мобилӣ барои смартфонҳо, планшетҳо ва плеерҳои сайёр, ки ширкати Apple соли 2007 таҳия кардааст. Он ҳамон сол дар смартфони iPhone ва плеерҳои iPod, соли 2010 – дар планшетҳои iPad, соли 2014 – дар системаи мултимедиавии автомобилии CarPlay насб шуд.
Аз Android фарқ: iOS танҳо дар дастгоҳҳои мобилии истеҳсоли худи Apple кор мекунад.
Стив Ҷобс ҳангоми муаррифии iPhone (2007) ҳарфи «i»-ро ҳамчун ҳарфи аввали калимаҳои internet (интернет), individual (фардӣ), instruct (дастурӣ), inform (иттилоъдиҳанда) ва inspire (илҳомбахш) шарҳ дод.
Бартариҳо ва маҳдудиятҳо
Бартариҳои асосӣ: эътимоднокӣ, маҳсулнокӣ, бе таъхир кор кардан, алоқаи хуби байни дастгоҳҳо, мубодилаи баланди маълумот ва амнияти баланди замимаҳо.
Таърих
- 2005 – Стив Ҷобс лоиҳаи iPhone-ро пешниҳод кард.
- 2007 – iPhone бо СА, ки онро «iPhone OS» меномиданд. Дар навъи аввал: экрани ламсии мултитач, почтаи овозӣ, iTunes, браузери Safari, камера, тақвим, қайдҳо, почта, телефон.
- 2008 – iPhone OS 2: барномаҳои дигар таҳиягаронро пазируфт.
- 2010 – бо iPhone 4 ном ба «iOS» тағйир ёфт.
Қабатҳо
Дар iOS чор қабати барномавӣ ҳаст:
- Core OS – ядро: сахтафзорро идора мекунад ва байни қабатҳо алоқа медиҳад.
- Core Services – хадамоти системавӣ: нигоҳдории иттилоот, пайвастшавӣ ба шабакаҳо ва ғайра.
- Media Layer – кор бо аксҳо, аудио, видео ва аниматсия.
- Cocoa Touch – муоширати мустақими корбар бо телефон ва сохтани замимаҳо (тугмаҳои экранӣ, майдончаҳои матнӣ, кор бо парвандаҳо).
Замимаҳои таҳиягарони дигарро аз мағозаи онлайнии Apple – App Store – ёфта насб мекунанд. Рақиби наздик – Android.
