3.4 · 6/6. Татбиқ ва мулоҳиза: зарб ва тақсими ададҳои манфӣ

Сатҳро интихоб кунед

Ҳоло вақти он аст, ки дониш ва маҳорати нави худро татбиқ кунед ва инкишоф диҳед. Ба ҳадафҳои фасл нигаред (3.4 · 5/6):

Кор дар синф

Машқҳо

★ Барои ҳавасмандон

1. Пасандози Маҳваш дар тули 3 рӯз $-6$ сомонӣ тағйир ёфт. Агар он ҳар рӯз бо ҳамин суръат тағйир ёфта бошад, пас тағйирёбии як рӯз ба чанд сомонӣ баробар аст?

2. Киштии зериобӣ дар чуқурии 250 м қарор дорад. Агар киштӣ ҳар як дақиқа 15 м ба боло барояд, оё он метавонад дар муддати ним соат ба сатҳи об расад?

3. Рустанӣ дар як ҳафта 2 см қад мекашад. Дар баробари ин, решааш дар ҳамин муддат 1,5 см дароз мешавад. Агар дарозии рустанӣ бо решааш 7 см бошад, пас аз се ҳафта ин дарозӣ ба чанд см мерасад?

Мулоҳиза мекунем

Дар дафтар ба саволҳои зерин ҷавоб нависед:

1. Ман дар ин фасл чӣ чизи нав омӯхтам?
2. Кадом саволҳои ман бе ҷавоб монданд?

Саволҳо барои такрор:

3. Агар адади манфиро ба адади мусбат зарб занем, чӣ ҳосил мешавад?
4. Аз ҳаёти воқеӣ оид ба зарби ададҳои манфӣ мисолҳо оред.
5. Агар тақсимшаванда адади мусбат ва ҳосили тақсим адади манфӣ бошад, тақсимкунанда чӣ гуна адад мешавад?