3.1 · 4/4. Татбиқ ва мулоҳиза: ададҳои манфӣ

Ҳадафҳои фасл

Дар охири фасли «Ададҳои манфӣ» шумо бояд:

• Медонед: таърифи ададҳои мусбат ва манфиро; таърифи ададҳои муқобилро; ки муқобили муқобили адади додашуда худи адад аст.
• Метавонед: аҳамияти ададҳои манфиро дар ҳаёти воқеӣ шарҳ диҳед; ададҳои мусбат ва манфиро дар тири ададӣ нишон диҳед; ададҳои ба ададҳои додашуда муқобилро ёбед; ададҳои муқобилро дар тири ададӣ қайд кунед.
• Мефаҳмед, ки: адади манфӣ аз ҷиҳати математикӣ норасоии миқдори муайянро ифода мекунад; ададҳои бо ҳам муқобил дар тири ададӣ нисбат ба сифр (нуқтаи сарҳисоб) дар масофаҳои баробар ҷойгиранд.

Худро арзёбӣ кунед: кадом ҳадафҳоро шумо аллакай пурра, кадомашро қисман ва кадомашро ҳоло не ба даст овардаед?

Машқҳоро интихоб кунед

Агар шумо то ҳол ҳадафҳои зиёде дошта бошед, ки ба онҳо ноил нашудаед, аз машқҳои сатҳи якум оғоз кунед:

• 3.1 · 1/4: машқи 1 (ададҳои мусбат ва манфиро ҷудо кунед);
• 3.1 · 2/4: машқҳои 1 ва 2 (қайд кардан дар тири ададӣ).

Агар шумо ба аксари ҳадафҳои худ расида бошед, «Барои ҳама» машқҳоро иҷро кунед:

• 3.1 · 1/4: машқи 2; 3.1 · 2/4: машқи 3; 3.1 · 3/4: машқҳои 1–4.

Агар шумо ҳамаи ин машқҳоро иҷро карда бошед ва мехоҳед бештар ба даст оред, ★ машқҳои поёнро ҳал кунед.

Машқҳо

★ Барои ҳавасмандон

1. Аз ҳаёти воқеӣ бо истифода аз ададҳои манфӣ мисолҳо оред.

2. Фаҳмонед, ки чаро муқобили адади муқобил худи адад аст.

Кор дар синф

Мулоҳиза мекунем

Дар дафтари худ ба саволҳо ҷавоб нависед:

1. Ман дар ин фасл чӣ чизи нав омӯхтам?
2. Кадом саволҳои ман бе ҷавоб монданд?

Саволҳо барои такрор:

3. Адади манфӣ чист?
4. Дар тири ададӣ ададҳои манфӣ чӣ гуна ҷойгиранд?
5. Ададҳои манфиро чӣ тавр ишора мекунанд?
6. Аломати минус ба ғайр аз норасоӣ боз чиро ифода мекунад?

Ба саволи калидӣ ҷавоб диҳед: чӣ гуна ман миқдореро, ки намерасад, ба таври математикӣ нишон дода метавонам? Ғояи калидиро истифода баред. Ҷавобҳои худро бо омӯзгор ё ҳамсинфон муҳокима кунед.