4.4 · 5/5. Масъалаҳо ва пайдарпайиҳо - Математика — синфи 5

4. Хосиятҳои зарб ва тақсим

4.4 · 5/5. Масъалаҳо ва пайдарпайиҳо

1 соат

Назария
Дарси 14 аз 16
Хониш: 10 дақиқа
Саволҳо: 4

Татбиқ мекунем

Барои ҳама — саволҳои қисми «Кор дар синф»-и ҳамин саҳифа (тақсим дар зеҳн, масъалаҳо, пайдарпайиҳо) ва инҳо:

кори дунафара: яке аз мисолҳои тақсими дарси «4.4 · 4/5»-ро интихоб кунед ва амалҳои худро ба ҳамсинфатон фаҳмонед;
тақсими таг ба таг ва тақсим тавассути ҷудокунӣ ба ҷамъшавандаҳои разрядиро муқоиса кунед. Кадом тарз ба шумо бештар писанд аст? Барои чӣ?

Барои онҳое, ки мехоҳанд масъалаи мураккабтар ҳал намоянд — қонуниятро ёбед ва ададҳои партофташударо нависед: а) 3 904, 1 952, 976, __, __, __, 61; б) 2 401, 343, __, __, 1.

Кор дар синф

Машқҳо

Машқҳо барои такрор

1. Моҳи аввал завод 245 адад ва моҳи дуюм аз он 85 адад бештар велосипед истеҳсол кард. Дар давоми ду моҳ завод чандто велосипед истеҳсол кард?

2. Муодиларо ҳал кунед:

а) $x+75-25=115;$
б) $198-78+x=283;$

навбатӣ

Арзёбӣ: мавзӯъҳои 4.1–4.4 · 1/2. Такрор пеш аз арзёбӣ

1 соат

Дарси навбатӣ

Дарси пешина Ба харитаи курс

Мулоҳиза мекунем

Кори фардӣ.

Ман дар ин фасл чӣ чизи нав омӯхтам?
Кадом саволҳои ман бе ҷавоб монданд?
Ба саволи калидии ин фасл ҷавоб диҳед. Ғояи калидиро истифода баред.
Қоидаҳои асосиеро, ки дар ин фасл кашф кардаед, такрор кунед: 1) Кадом роҳҳои тақсим кардани ададҳои бисёррақамаро омӯхтаед? 2) Ба ҳамнишастатон фаҳмонед, ки чӣ тавр ададҳои бисёррақамаро бо тарзи таг ба таг тақсим кардан мумкин аст. 3) Ғояи асосии тақсими таг ба таг ва тақсим тавассути ҷудокунӣ ба ҷамъшавандаҳои разрядӣ кадом аст?

Худро арзёбӣ кунед (супориши 21). Арзёбӣ кунед, ки ба кадом ҳадафҳои фасл расидед. Агар ба ҳадаф расида бошед ✓, агар ҳанӯз не ✗ гузоред. Намунаи супоришҳоеро оред, ки иҷро карда тавонистед ё натавонистед.

☐ Ман медонам, ки тақсимшаванда чист.

☐ Ман медонам, ки тақсимкунанда чист.

☐ Ман медонам, ки чиро ҳосили тақсим мегӯянд.

☐ Ман метавонам, ки ададҳои бисёррақамаро тақсим кунам, аз ҷумла бо иваз кардани воҳидҳои разрядӣ.

☐ Ман метавонам, ки раванди тақсими сутуниро бо истифода аз разрядҳо шарҳ диҳам.

☐ Ман метавонам, ки раванди тақсимро тавассути ҷудокунӣ ба ҷамъшавандаҳои разрядӣ шарҳ диҳам.

☐ Ман мефаҳмам, ки мо ададҳои бисёррақамаро аз разряди калон сар карда, аз рӯйи разрядҳо тақсим мекунем ва вақте ки дар тақсимшаванда барои тақсими баробар воҳидҳои разрядӣ кофӣ нестанд, онҳоро ба воҳидҳои разрядии разряди оянда (разряди хурдтар) иваз мекунем.

Аз омӯзгор ё ҳамсинфатон хоҳиш кунед, ки барои расидан ба ҳадафҳое, ки ҳанӯз ба даст наомадаанд, ба шумо ёрӣ диҳанд. Дар кадом самтҳо ба шумо ёрӣ лозим аст?