1 соат
Ададҳоро бо воситаи доира ифода намудан мумкин аст.
Ҳалли масъалаи 1. Массаи сангҳо дар якҷоягӣ ба 1 кг баробар аст: 500 г + 250 г + 200 г + 50 г = 1 000 г = 1 кг. Муайян мекунем, ки массаи ҳар яке аз ин сангҳо кадом ҳисса ва чанд фоизи 1 кг аст:
| Санг | Ҳиссаи 1 кг | Фоиз |
|---|---|---|
| 500 г |
| 50 % |
| 250 г | 25 % |
| 200 г | 20 % |
| 50 г | 5 % |
| Ҷамъ | 1 кг | 100 % |
Массаи ба 1 кг баробарро дар шакли доира тасвир мекунем (расми 1). Маълум шуд, ки санги массааш 500 г дар он ҳисса ё 50 %-и масоҳатро ишғол мекардааст. Ба санги массааш 250 г чоряки доира ё ки 25 %-и масоҳати он мувофиқ меояд. Санги вазнаш 200 г дар доира ба панҷяки масоҳат ё ба 20 %-и он мувофиқ меояд. Ҳамин тавр, ба санги 50-граммӣ аз бист як ҳиссаи доира ё ки 5 %-и масоҳати он рост меомадааст. Онҳоро тасвир намуда, бо ҳамин диаграммаи доиравии тақсимшавии сангҳои массаашон 500 г, 250 г, 200 г ва 50 г-ро дар массаи 1 кг ҳосил мекунем.
Дар машқи интерактивӣ барои ҳар қисм фоиз ва кунҷро ёбед — сектор дар доира кашида мешавад:
Барои онҳое, ки ба ёрӣ ниёз доранд
Барои ҳама
Диаграммаҳоро дар дафтар бо паргор ва транспортир созед ё дар машқи интерактивии боло санҷед.
1. Хона ду ҳуҷра дорад. Масоҳати ҳуҷраи якум — 14 м² ва масоҳати ҳуҷраи дуюм 26 м² мебошад. Диаграммаи доиравии тақсимоти масоҳати ҳуҷраҳоро дар масоҳати хона созед.
2. Дар мусобиқаи шатранҷ аз 10 холи имконпазир Фирдавс — 3 хол, Манучеҳр — 5 хол ва Наргис — 2 хол гирифтанд. Диаграммаи доиравии тақсимоти холҳои гирифтаи онҳоро созед.
3. Одам дар 1 шабонарӯз бояд 8 соат хоб кунаду 16 соат фаъол бошад. Диаграммаи доиравии инро тартиб диҳед.
4. Табиб тавсия медиҳад, ки дар давоми рӯз шахс бояд чор маротиба таом тановул кунад: саҳарӣ — 25 %, чошт — 15 %, нисфирӯзӣ — 45 % ва шом — 15 %. Диаграммаи тақсимоти меъёри рӯзонаи хӯрокро тартиб диҳед.
5. Боре давомнокии рӯз ба 10 соат ва давомнокии шаб ба 14 соат баробар шуд. Диаграммаи доиравии тақсимшавии шабу рӯзро дар ин шабонарӯз тартиб диҳед.
6. Дар як оила мардон 4 нафар ва занон 6 нафаранд. Диаграммаи доиравии тақсимоти мардону занони оиларо тартиб диҳед.
Саволи калидӣ: чӣ тавр ададҳоро бо доира нишон медиҳанд?
Масъалаи 1. Яктоӣ сангҳои тарозуи массаашон 500 г, 250 г, 200 г ва 50 г мавҷуданд. Онҳо кадом ҳисса ва чанд фоизи 1 килограммро ташкил медиҳанд?
Кӯшиш мекунем:
Тамоми доира — 360° — ба 100 % мувофиқ аст. Пас
(ё ҳисса · 360°). Масалан, 50 % → 180°; 25 % → 90°; 20 % → 72°; 5 % → 18°.