1 соат
Компютери фардии IBM PC аз рӯйи ду навъ – рӯйимизӣ ва ҳамроҳ истеҳсол карда мешавад. Компютери рӯйимизӣ аз қисмҳои алоҳида иборат аст ва дар болои миз меистад; дар компютери ҳамроҳ (ноутбук) ҳамаи қисмҳо дар як ҷисм ҷойгиранд ва он бо батарея кор карда метавонад.
Ба таҷҳизоти асосии навъи рӯйимизии ин КФ блоки системавӣ, монитор (экран), сафҳакалид ва муш дохил мешаванд. Алоқамандии ин ҷиҳозҳо дар нақшаи зерин оварда шудааст:
Компютери фардии рӯйимизӣ ҳамчун таҷҳизоти ягона сохта нашуда, балки дар шакли қисмҳои алоҳидаи мустақил сохта мешавад. Ин усул имкон медиҳад, ки қисми алоҳидаи компютер дар вақти дилхоҳ такмил ёфта, ҳатто бо таҷҳизоти нав иваз карда шавад. Ин усули пайвастани қисмҳои компютерро, ки бо номи сабки кушодасохт (принсипи архитектураи кушода ё ошкор) маълум аст, ширкати IBM дастраси озоди ҳамагон гардонид. Бинобар ин ҳоло таҳти тамғаи IBM PC дар тамоми гӯшаву канори олам компютерҳои фардӣ истеҳсол карда мешавад.
Ба вазъияти боло баргардем: агар монитор шикаст, танҳо мониторро иваз мекунанд – ин аст сабки кушодасохт.
Гарчанде дар назари аввал блоки системавӣ қисми аз ҳама камаҳаммият намояд ҳам, вале дар асл маҳз ҳамин қисм қисми асоситарини компютери фардӣ ба ҳисоб меравад. Дар ин қисм тамоми таҷҳизоти марказии компютер маҳфуз аст:
Микропротсессор иттилоотро коркард мекунад – ӯ «мағзи» компютер аст.
Ба блоки системавӣ инчунин таҷҳизоти гуногуни воридот ва содироти иттилоотро пайваст ё илова кардан мумкин аст, ки ин имконоти вазифавии компютерро васеъ мегардонад. Қисми зиёди чунин сахтафзорҳо ба блоки системавӣ аз берун пайваст карда мешаванд. Бинобар ин онҳо таҷҳизоти беруна ном гирифтаанд.
Монитор таҷҳизотест, ки раванди интиқоли иттилоотро аз компютер дар экрани худ инъикос менамояд ва мавқеи иттилооти ба воситаи сафҳакалид ё муш воридшавандаро дар экран нишон медиҳад. Иттилооти дар экран инъикосшаванда ба монитор аз видеокорти компютер интиқол дода мешавад.
Мониторҳо дар навъҳои гуногун, масалан найчаи электронӣ-нурӣ (CRT), кристалли моеъ (LCD), плазмавӣ (PDP) ва ғайра, истеҳсол карда мешаванд. Имрӯзҳо аз ҳама бештар монитори LCD мавриди истифода қарор дорад.
Сафҳакалид таҷҳизотест, ки аз маҷмуи тугмакалидҳо иборат буда, барои ба компютер ворид намудани иттилоот ва идора кардани раванди иҷрои барномаҳо пешбинӣ шудааст. Аз сафҳакалид бештар ҳангоми ҳуруфчинӣ, навиштани барномаҳо, пур кардани ҷадвалҳои ададӣ, идора кардани матн дар экрани монитор ва ғайра истифода мебаранд. Сафҳакалид ба сурати навъҳои гуногун истеҳсол карда мешавад.
Муш низ таҷҳизотест, ки барои ба компютер ворид кардани иттилоот ва идора намудани раванди кори компютер пешбинӣ шудааст. Тарзи истифодаи муш нисбат ба сафҳакалид осонтар мебошад. Раванди иҷрои ин ё он амал дар экран аз рӯйи ҳаракати мавзуни мушнамо идора карда мешавад. Муш дар интихоби нишонаҳо, кушодани равзанаи барномаву санадҳо, корбарӣ бо объектҳои графикӣ ва амалиёти гуногун афзори беҳамтост.
Ба саволҳои зерин ҷавоб гӯед:
Супоришҳои зеринро мустақилона иҷро кунед:
Монитори компютери синф шикаст. Оё тамоми компютерро иваз кардан лозим аст?
Имрӯз компютерҳои фардиро ширкатҳои зиёд месозанд, вале ҳамаашон аз ҳамон сабки кушодасохти IBM PC истифода мебаранд.
Нозир – нақшаи электрониест, ки кори сахтафзори компютерро идора менамояд. Ҳар як таҷҳизоти компютерӣ усули махсуси бо нозири худ пайваст шуданро дорад.
Дар бисёр компютерҳои нав дискдони CD/DVD дигар нест.
Имрӯз қариб ҳамаи мониторҳо LCD (кристалли моеъ) ё LED мебошанд.
Блоки системавиро накушоед ва симҳоро накашед. Ҳамаи корро бо иҷозати омӯзгор иҷро кунед ва қоидаҳои Дарси 6-ро риоя намоед.
Дар дафтаратон ҷумлаҳоро анҷом диҳед: